၇. ၅.
၂၀၁၅ ရက် နံနက်က ဂျာမနီနိုင်ငံ ဖရန့်ဖို့မြို့ကနေ ဒိန်းမက်နိုင်ငံ ဘားမင်းမြို့ကို
ရထားစီးပြီး ထွက်လာခဲ့ပါတယ်။ ဒိန်းမက်မှာ နေထိုင်ကြတဲ့ ဗုဒ္ဓဘာသာဝင် မိသားစုများရဲ့
ပင့်ဖိတ်တဲ့အတွက်ကြောင့်ပါ၊ နံနက် ၆း ၃၈ နာရီမှ စထွက်တဲ့ရထားဟာ ဘာမင်းမြို့ကို
ညနေ ၅း ၄၅ နာရီမှာ ရောက်ရှိခဲ့ပါတယ်။ ဘာမင်းဘူတာကို ရောက်ရှိတယ်ဆိုရင်ပဲ
အသင့်စောင့် ကြိုနေကြ တဲ့ ဒကာ ဒကာမတွေက ကားနဲ့ ဗုဒ္ဓရံသီကျောင်းကို
ပို့ဆောင်ပေးခဲ့ကြပါတယ်။ ဗုဒ္ဓရံသီ မိသားစု များ သဒ္ဓါထက်ထက်သန်သန်နဲ့
နေ့စဉ်ဆွမ်းခဲဖွယ်များ လာရောက်လှူဒါန်းကြ၊ သူတို့အားလပ်ရက် များမှာ ဒေသန္တရ
ဗဟုသုတအနေနဲ့ လိုက်ပို့ကြလို့လည်း အထူးပင် ကျေးဇူးတင် ၀မ်းမြောက်လျက် ရှိပါတယ်။
ရထားပေါ်မှာ
တစ်နေ့တာစီးပြီးလိုက်လာခဲ့တဲ့ ခရီးစဉ်တစ်လျှောက် တစ်ယောက်တည်း စာအုပ်လေးဖတ်လိုက်
ပတ်ဝန်းကျင်ကို ကြည့်လိုက် ဟိုဟိုဒီဒီအတွေးတွေရောက်လိုက်နဲ့ပဲ လိုက်ပါ လာခဲ့တာပါ၊
ရထားတစ်စီးလုံးမှာ ထိုင်ခုံပြည့် ခရီးသည်တွေ ပြည့်နှက်နေပေမယ့် တစ်ဦး တစ်ယောက်မှ
သိကျွမ်းသူ မပါခဲ့ပါဘူး၊ အတူတူယှဉ်တွဲ ထိုင်နေကြပေမယ့် သူ့ကိုလည်း ကိုယ်မသိ သလို
ကိုယ့်ကိုလည်း သူတို့မသိခဲ့ပေမယ့် ပြုံးပြနှုတ်ဆက်မှုကိုတော့ ယဉ်ကျေးမှုတစ်ရပ် အနေနဲ့
ပြုကြပါတယ်၊ ဒီခရီးသည်တွေ အားလုံးရဲ့ ရည်ရွယ်ချက်ဟာ လိုရာခရီးကို ရောက်ဖို့ရန်
စီးနင်းလိုက် ပါလာကြတာပါ၊ တစ်ဦးတည်းလိုက်ပါလာသူတွေ၊ မိသားစုလိုက် လိုက်ပါလာကြသူတွေ
သူငယ် ချင်းများ စုပေါင်းပြီး လိုက်ပါလာကြသူတွေ ချမ်းသာ ဆင်းရဲ ပညာတတ် ပညာမဲ့ စသည်ဖြင့်
အမျိုးမျိုးပဲ လိုက်ပါလာကြတာပါ၊ သူငယ်ချင်းတွေနဲ့ လာကြ သူတွေကတော့ ပြောလိုက် ဆိုလိုက်
ရယ်လိုက် မောလိုက်နဲ့ လိုက်ပါလာကြသလို၊ အချို့ကျတော့လည်း စာအုပ် စာစောင်တွေ ဖတ်ပြီး
အေးအေးချမ်းချမ်း လိုက်ပါလာကြသူတွေနဲ့ မျိုးစုံပါပဲ၊ အချိန်တန်လို့ ဂိတ်ဆုံး ရောက်ရင်
အားလုံး ဆင်းသွားကြရတာပါပဲ၊ တစ်ချို့ကျတော့လည်း လမ်းခုလပ်မှာပဲ ဆင်းပြီး လမ်းခုလပ်မှာ ထပ်တက် လိုက်လာကြသူတွေလည်း
ကြုံတွေ့ကြရပါတယ်။ ဂိတ်ဆုံး မရောက်ခင်ကတော့ ဆင်းသူဆင်း တက်သူတက်နဲ့ပါပဲ။
ဆင်းသွားကြသူတွေဟာ များသောအားဖြင့် ကိုယ့် အထုပ်အပိုးလေးတွေ ကိုယ်စီယူလို့
ဆင်းသွားကြသလို တက်လာသူတွေကလည်း ထို့နည်းတူ အထုပ်အပိုး အိတ်တွေ ယူဆောင်ပြီးတက်လာကြပါတယ်။
ခရီးသွား အချင်းချင်း ဆင်းသွား လိုက်ကြ၊ အသစ်တက်လာ လိုက်ကြနဲ့
လှုပ်ရှားသွားလာနေကြပုံကို ကြည့်ရင်း ဒို့တစ်တွေလည်း ရထားစီး ခရီးသွားတွေလို သံသရာခရီးသွားတွေပါလားဆိုတာရယ်၊
ရထားစီးခရီးသည်တွေမှာတော့ ဘယ်အချိန်ဆိုရင် ရောက်မယ်ဆိုတဲ့ ရောက်ရှိရမယ့် အချိန်ကို
သိနိုင်ပေမယ့် သံသရာ ခရီးသည်တွေဖြစ်ကြတဲ့ ဒို့တစ်တွေမှာတော့ ဘယ်တော့မှ ခရီးဆုံးကို
ရောက်မယ်ဆိုတာ ဘယ်လောက်ကြာအောင် သံသရာရထားခုတ်မောင်းတာကို
လိုက်ပါစီးနင်းနေရအုံးမယ်ဆိုတာကိုတော့ မခန့်မှန်းနိုင်သေးပါ လားလို့လဲ ၀မ်းနည်းစွာနဲ့
စဉ်းစားဆင်ခြင်ဖြစ်ခဲ့ပါတယ်။
ပုထုဇဉ်
တစ်ယောက်အနေနဲ့ သံသရာခရီးရဲ့ အဆုံးကို မခန့်မှန်းနိုင်သေးပေမယ့် တစ်ဘ၀ တာခရီး
ဘယ်တော့ဆုံးမယ်ဆိုတာကိုတော့ လှမ်းမြင်နေကြရပါတယ်။ ယေဘုယျအားဖြင့် နှစ်တစ်ရာရဲ့အတွင်းမှာ
တစ်ဘ၀တာရဲ့ ရထားခရီးစဉ်ကတော့ အဆုံးသတ်မှာသေချာပါတယ်။ တစ်နည်းအားဖြင့် လူ့ဘ၀ဆိုတဲ့
ရထားပေါ်က ဆင်းကြရမှာပါ။ ဒီလူ့ဘ၀ဆိုတဲ့ ရထားခရီးစဉ်ထဲမှာ မိသားစုတွေ ဆွေမျိုးတွေ
သူငယ်ချင်းတွေ ပညာတတ် ပညာမဲ့၊ ရာထူးရှိ ရာထူးမဲ့၊ ဂုဏ်ရှိ ဂုဏ်မဲ့ ချမ်းသာ ဆင်းရဲ၊
စာရိတ္တကောင်း မကောင်း စသည်ဖြင့် အသီးသီးတွေ့ကြုံ နေထိုင်ကြရင်း သွားလာလှုပ်ရှား
ပြုမူရင်းနဲ့ ငယ်ငယ်ရွယ်ရွယ်နဲ့
ဆုံးပါးသွားကြသူတွေ၊ အလယ်အလတ်မှာ ဆုံးပါးသွားကြသူတွေ၊ အသက်အရွယ်ရမှ ဆုံးပါးသွားကြတဲ့သူတွေ
များစွာရှိကြသလို မွေးဖွားလာ ကြသူတွေဟာလည်း များစွာပါပဲ၊ နေ့စဉ်နဲ့အမျှ တွေ့ကြုံနေကြရတဲ့
ရထားစီးခရီးသည်များလိုပဲ ဆင်းသူဆင်း တက်သူ တက်နဲ့ သွားလာနေကြရ ရှင်သန်နေကြရတာပါ။ ရထားစီး
ခရီးသည်တွေ ဆင်းသွားတဲ့အခါမှာ အသီးသီး ကိုယ်ပိုင်အထုပ်အပိုးလေးတွေ ပါသွားကြသလို၊
တက်လာတဲ့ အခါမှာလည်း ကိုယ်ပိုင်အထုပ်အပိုးတွေ ကိုယ်စီနဲ့ပါ။ ထို့အတူပါပဲ
ဒို့တစ်တွေလည်း ဘ၀ရထား ပေါ်က အချိန်တန်လို့ ဆင်းသွားရရင်ဆိုတဲ့ အတွေးနဲ့ အတူ
ဘာတွေယူဆောင်ပြီး ဆင်းသွားကြမှာ လဲ၊ ပြန်တက်လာတဲ့ အခါမှာလည်း ဘာတွေယူဆောင်ပြီး
ပြန်တက်မှာလာမှာလဲဆိုတာရယ်၊ တစ်ခဏတာ စီးနင်းလိုက်ပါကြတဲ့ ရထားစီးခရီးသည်တွေတောင်
ကိုယ်ပိုင်အထုပ်လေးတွေနဲ့ သွားလာကြတာပါ၊ တစ်ဘ၀တာ စီးနင်းလိုက်ပါနေကြတဲ့
မိမိတို့တစ်တွေဟာလည်း ကိုယ်ပိုင် အနေနဲ့ ဘာတွေကို ယူဆောင် သယ်ဆောင်ပြီးတော့သွားကြမှာလဲ၊ မိမိတို့ ယူဆောင် သယ်ဆောင်သွားတဲ့အရာ၊ ယူဆောင် သယ်ဆောင်လာတဲ့
အရာပေါ်မူတည်ပြီး ချမ်းသာ ဆင်းရဲကို ခံစားကြရမှာပါလားဆိုတဲ့ အတွေးများ ဆင့်ကဲဆင့်ကဲ
ဖြစ်ပေါ်ခဲ့ပါတယ်။
ရွှင်လန်းချမ်းမြေ့ကြပါစေ။
ဒီခေါင်းစဉ်လေးဟာ
တိပိဋကဓရ ဓမ္မဘဏ္ဍာဂါရိက ပြည်ဆရာတော်ဘုရား၏ လင်္ကာထဲက ခေါင်းစဉ်လေးပါ၊ နိဓိဂဏ္ဍသုတ္တန်ကို
မှီငြမ်းပြုထားတာလည်း ဖြစ်ပါတယ်၊ အဲဒီသုတ္တန်မှာ မြတ်ဗုဒ္ဓ က စီးပွားဥစ္စာတစ်ခုထဲကိုပဲ
ကိုယ်ကျိုးအတွက် သဲသဲမဲမဲ ရှာဖွေနေကြသူတွေအတွက် သတိထား ဆင်ခြင်ရမယ့်
အချက်အလက်တွေကို ညွှန်ပြထားပါတယ်။
လောကမှာ တစ်ကိုယ်ရေ
တစ်ကာယအတွက် စီးပွားရေး ကြီးပွားရေးတွေကို အလေးထား ပြီး ဆောင်ရွက်နေတဲ့သူ၊
အများအကျိုးအတွက် လျစ်လျူရှုနေတဲ့သူဟာ၊ ရှာရင်းဖွေရင်းနဲ့ မမျှော် လင့်ဘဲ
ဆုံးပါးသွားနိုင်ပါတယ်၊ အကယ်၍
ဆုံးပါးခဲ့မယ်ဆိုရင် ကောင်းမှုကုသိုလ်ထုပ်တွေ မထုပ် လိုက်မိဘဲ ပစ္စည်းဥစ္စာ ထုပ်တွေကိုသာ
ထုပ်သွားခဲ့တဲ့အတွက် ကိုယ်ပိုင် ဥစ္စာရယ်လို့ မယ်မယ်ရရ ယူမသွားနိုင်ခဲ့ပါဘူး၊
ပြီးတော့ ကိုယ်တိုင် ပင်ပင်ပန်းပန်း ကြိုးကြိုးစားစား ရှာဖွေထားတဲ့ ပစ္စည်း
ဥစ္စာတွေ၊ မိသားစုတွေ စတဲ့ သက်မဲ့ သက်ရှိ အရာအားလုံးကို
စွန့်လွှတ်ပြီးသွားခဲ့ရပါတယ်။ စွန့်လွှတ်ထားခဲ့ရတဲ့ ပစ္စည်းဥစ္စာတွေဟာ ကျန်ခဲ့တဲ့
မိသားစုတွေ ကောင်းစားဖို့အတွက်နဲ့ ဝေစားဖို့ အတွက်ပဲ ဖြစ်ခဲ့မယ်၊ နောင်ဘ၀မှာလည်း
ကောင်းမြတ်တဲ့ သုဂတိဘ၀ကို မရောက်ဘဲ၊ မကောင်း တဲ့ ဒုဂ္ဂတိဘ၀လို့ ခေါ်ဆိုရတဲ့ အပါယ်လေးပါး
တစ်ပါးပါးကို ကျရောက်ရမယ်ဆိုရင် အဲဒီသူဟာ ဒီဘ၀ကနေ အမြတ်နဲ့ မပြန်ရဘဲ အရှုံးနဲ့
ပြန်သွားရတဲ့သူပါ၊ နောက်ပြီး သံသရာမှ လွတ်မြောက်ရာ နိဗ္ဗာန်ကို
မျက်မှောက်ပြုနိုင်ဖို့ ခက်ခဲလှတဲ့သူ အလှမ်း ကွာဝေးသွားတဲ့သူပါ။
ဒါကြောင့်
စီးပွားဥစ္စာ ရှာဖွေတဲ့အခါမှာ ပစ္စုပ္ပန်ကြီးပွားရေးအမြင် တစ်ခုတည်းကိုသာ ကြည့်ပြီး
မပြုလုပ်သင့်ပါဘူး၊ သံသရာ ကြီးပွားချမ်းသာရေး အမြင်ပါထားပြီး ပြုမူဆောင်ရွက် သင့်ပါတယ်။
တစ်နည်းအားဖြင့် ဘ၀လွတ် မြောက်ရေး လမ်းစဉ်ကိုလည်း ကြည့်ရပါမယ်၊ ရှာဖွေ ကြရပါမယ်။
အမြင်နှစ်မျိုးထားရမယ်လို့ ဆိုလိုပါတယ်။ ဒါမှလဲ ဘ၀နောင်ရေးအတွက် စိတ်အေးကြ ရမှာပါ၊
သံသရာမှာ ကျင်လည်ရအုံးမယ့်သူတွေအဖို့ ဘ၀နောင်ရေးအေးရန် ဒါန သီလ စတဲ့ ရိက္ခာ ထုပ်တွေ
ထုပ်ထားကြရပါမယ်၊ ဓမ္မအသိ ဥာဏ်မျက်စိနဲ့ ကြည့်ရင် ရုပ်နာမ်နှစ်ဖြာ ရထားသူ မှန်သ မျှ
ချမ်းသာမှုဆိုတာထက် ဆင်းရဲမှုကိုသာ ပိုပြီးခံစားကြနေကြရတာပါ။ လူ့ဘ၀ရဲ့ သက်တမ်းဟာ
ရှည်ရှည်ကြာကြာ နေကြရတာမဟုတ်ဘဲ သက်တမ်းတိုတို ကလေးအတွင်းမှာ နေသွားကြပြီး တစ်နေ့ကျ
အားလုံးဟာ သေဆုံးသွားကြရတာပါ၊ မသေခင်ကလေးမှာလည်း လောကဓံရဲ့ နှိပ်စက် မှုဒဏ်၊ အိုဘေး
နာဘေးတွေရဲ့ နှိပ်စက်မှုဒဏ်တွေကို သူရောကိုယ်ပါ အားလုံးခံစားကြရတာပါ၊ ခန္ဓာရရှိလာကြတဲ့သူတိုင်း
ရှောင်လွှဲလို့ မရကြဘဲ မလွဲမသွေ တွေ့ကြုံ ခံစားကြရပါတယ်၊ ဒီအတွက် နေရတဲ့
အခိုက်အတန့်ကလေးမှာ မနာလိုမှု၊ ၀န်တိုမှု၊ ပြိုင်ဆိုင်မှု စတာတွေကို ခ၀ါချပြီး
ပြုမူနေ ထိုင်နိုင်အောင် ကြိုးစားသင့်လှပါတယ်၊ နိဗ္ဗာန်ကို မျက်မှောက်ပြုနိုင်မှ ဒီလောကဓံရဲ့
ရိုက်ခတ်မှု ဘေး၊ အိုမှု နာမှုဘေးတွေ အေးငြိမ်းမှာဖြစ်တဲ့အတွက် နိဗ္ဗာန် မရောက်ခင် စပ်ကြား
ဓမ္မအသိ လက်ကိုင်ထားပြီး နေထိုင်နိုင်မှ သက်သာရာကို ရကြမှာပါ။
ဒေသနာတော်အလိုအရ
ရှာဖွေလို့ရရှိလာတဲ့ ပစ္စည်းဥစ္စာတွေဟာ ရေ မီး မင်း ခိုးသူ အမွေခံ သားဆိုး
သမီးဆိုးဆိုတဲ့ ရန်သူမျိုးငါးပါးတို့နဲ့ နေ့စဉ်ဆက်ဆံနေရတဲ့အတွက် ဒါနကောင်းမှု ထုပ်တွေ
တတ်နိုင်သမျှ စုဆောင်းထားနိုင်မှ တော်ကာကျမှာပါ။ ဒီလိုစုဆောင်းထားခြင်းဟာ အပူသောက တွေ
ငြိမ်းဖို့ရန်၊ အပူမီးတွေ ငြိမ်းအေးဖိုရန်အတွက်ဖြစ်သလို ဘုံဆိုင်တွေထဲက ကိုယ်ပိုင်
ရယူထား ခြင်းလည်း ဖြစ်ပါတယ်။
တရားသဘောနဲ့
စမ်းစစ်ကြည့်ရင် အရာအားလုံးဟာ အစိုးမရတဲ့ အနတ္တသဘောတရား တွေချည်းပါပဲ၊
ဆိုင်တာဆိုင်ကြပေမယ့်၊ သူရောကိုယ်ပါ ပိုင်တာရယ်လို့ ကိုယ်ပြုထားတဲ့ ကောင်းကံ
မကောင်းကံတွေပဲရှိတာပါ၊ ဒီကံနှစ်ပါးကလွဲလို့ ဘာတစ်ခုမှ မပိုင်ပါဘူး၊ နောင်ဘ၀အတွက်
ဘာပစ္စည်းကိုမှလည်း ယူဆောင်သွားလို့ မရကြပါဘူး၊ ဆင်းရဲမှု ချမ်းသာမှုဆိုတာတွေဟာလည်း
သူ့ရဲ့ လုပ်ဆောင်မှုကံအတိုင်း ဖြစ်နေကြရတာပါ၊ ဖြစ်ချိန်တန်လို့ ဖြစ်လာကြပြီး၊
ပျက်ချိန်တန်ရင် လည်း ပျက်ကြရတာဟာ ဓမ္မတာပါပဲ၊ တားထားလို့ ဆွဲထားလို့ မရကြပါဘူး။
ပစ္စည်းနဲ့လူ ထိုနှစ်ဆူ စွန့်သူစွန့်ကာ အပြန်အလှန် ဆိုတဲ့အတိုင်း ပစ္စည်းကို
လူကစွန့်ခွါ သွားခဲ့ရတာ ရှိသလို လူကိုလည်း ပစ္စည်းက စွန့်ခွါသွားခဲ့ရတာလည်း
မျက်မြင်ကိုယ်တွေ့တွေချည်းပါပဲ၊ လောကသံသရာထဲ ကျင်လည်နေကြရတဲ့ ကျင်လည်နေကြအုံးမယ့်
သူတိုင်းဟာ ဖြစ်ချင်တိုင်း မဖြစ်ရတဲ့ ဆင်းရဲ၊ မဖြစ်ချင်ပေမယ့်လည်း ဖြစ်နေကြရတဲ့
ဆင်းရဲတွေကို ကြုံတွေ့ခံစားနေကြရတာပါ။ လောဘ ဒေါသ မောဟ စတဲ့ ကိလေသာတွေကို
တရားအသိဥာဏ်နဲ့ မပယ်သက်နိုင်သေးမျှ ဆင်းရဲဒုက္ခဆိုတဲ့ နယ်ပယ်ထဲက လွတ်မြောက်အောင်
ပြေးနိုင်ကြမှာ မဟုတ်ပါဘူး။ ကိုယ်ပိုင်အနေနဲ့ ရအောင်ယူ သွားနိုင်တဲ့ ကောင်းမြတ်တဲ့
ဒါန သီလစတဲ့ ရိက္ခာထုပ်တွေကိုသာ အပိုင်ထုပ်နိုင်ဖို့ရာ ကြိုးစားကြ ရမှာပါ။
ဒါ့ကြောင့် ဗုဒ္ဓသာသနာတော်နဲ့ ကြုံတွေ့ခိုက်မှာ သူတော်ကောင်းများ ကောင်းမှု ကုသိုလ်
ပြုလုပ်ကြရင်း ကိုယ်ပိုင်ဥစ္စာထုပ်များကို ရယူနိုင်ဖို့ မြတ်စွာဘုရား
တိုက်တွန်းတော်မူခဲ့တာ ဖြစ်ပါတယ်။ ဒီသုတ္တန်ကိုပဲ တိပိဋကဓရ ဓမ္မဘဏ္ဍာဂါရိက
ပြည်ဆရာတော်ဘုရားကြီးက သူတော် ကောင်းများ အလုပ်လုပ်ဆိုတဲ့ ခေါင်းစဉ်နဲ့ လင်္ကာစပ်ဆိုခဲ့ပြီး
တိုက်တွန်းထားခဲ့တာပါ။
အထုပ်ကလေးကို
တပြင်ပြင်၊ အထုပ်ရှင်မှာ သေလို့သွား
ကျန်တဲ့သူတွေ
ဝေလို့စား၊ သေရွာကျတော့ အပါယ်သွား
ဘာကမှလည်း
ပါမသွား၊ နိဗ္ဗာန်ရောက်ဖို့ အခက်သား။
ကုသိုလ်ပုည
ပြုမှတော်၊ အဖော်ပါမှ စိတ်မှာအေး
ဘ၀ဖန်ခါ
ရိက္ခာဆေး၊ ရုပ်နာမ်နှစ်ဖြာ ဒုက္ခပေး
သက်တမ်းလေးက
အတိုလေး၊ အိုဘေး နာဘေး မကင်းသေး
နိဗ္ဗာန်ရောက်မှ
ဒုက္ခအေး၊
ကိုယ့်ပစ္စည်း
ကိုယ်နှမြှော စောစောကသိမ်း
ကိုယ်မသိမ်းလို့
သူများယူ ရင်ဝမီးလိုပူ
သူမယူအောင်
လုံစွာထုပ် ဒေသနာအလုပ်လုပ်
သူမယူအောင်
လုံစွာသိမ်း သောကရင်မှာငြိမ်း
သူ့ကိုလည်း
ကိုယ်မပိုင်၊ ကိုယ့်ကိုလည်း သူမပိုင်
ဘယ့်သူ့ကိုမှ
ဘယ်သူမပိုင်၊ ကိုယ့်ကိုသော်မှ ကိုယ်မပိုင်
ဖြစ်ချိန်တန်လျှင်
ကံတိုင်းဖြစ်၊ ပစ္စည်းကိုလည်း လူကပစ်
လူကိုယ်လည်း
ပစ္စည်းကပစ်၊ ဖြစ်တာဖြစ်တဲ့ လောကသံသရာမှာ
အပိုင်လိုပါလျှင်
အထုပ်ထုပ်၊ သူတော်ကောင်းများ အလုပ်လုပ်။
ရွှင်လန်းချမ်းမြေ့ကြပါစေ။
ငယ်သူငယ်ချင်းထံမှ
အာစရိယပူဇော်ပွဲ ကျင်းပပြုလုပ်ကြမယ့်အကြောင်း ဖုန်းဆက်ပြီး အကြောင်းကြားပါ တယ်။ ငယ်စဉ်
တွဲဘက်အလယ်တန်းကျောင်းမှာ ပညာသင်ယူခဲ့ကြတဲ့ သူငယ်ချင်းတွေ စုပေါင်းပြီး ကုသိုလ် ပြုကြမယ့်ပွဲပါ။
ကျင်းပပြုလုပ်မယ့် နေ့က ၂၆. ၀၄. ၂၀၁၅ ရက်၊ တနင်္ဂနွေနေ့ပါ။
အဲဒီနေ့မှာ ၁၉၈၃၊ ၈၄၊ ၈၅ ခုနှစ်များတွင်
ပညာသင်ခဲ့ကြသော ကျောင်းသား၊ ကျောင်းသူ ဟောင်းများ စုပေါင်း၍ ဆရာ၊ ဆရာမများအား အာစရိယပူဇော်ပွဲ
ကျင်းပပြုလုပ်ခဲ့ကြပါတယ်။ အဲဒီပွဲသို့ စာရေးသူလည်း သွားရောက်ခဲ့ပါတယ်။ ၂၇. ၀၄. ၂၀၁၅
ရက်နေ့မှာတော့ စာရေးသူ ပြည်ပထွက်ဖို့ ဇာတိမြို့ကနေ ရန်ကုန်မြို့ကို အထုပ်အပိုးတွေပြင်ဆင်ပြီး
လာခဲ့ပါတယ်။ ရန်ကုန်မလာခင် နံနက်မှာ အာစရိယပူဇော်ပွဲကို ဦးဆောင်ကျင်းပပြုလုပ်ခဲ့တဲ့
သူငယ်ချင်းထံ ဖုန်းဆက်ပြီး အာစရိယပူဇော်ပွဲ အကြောင်း မေးမြန်းရင်း ပြည်ပပြန်ထွက်ဖို့
ဒီနေ့ပဲ ရန်ကုန်ကို သွားမယ့် အကြောင်းပြောဖြစ်ခဲ့ပါတယ်။ သူငယ်ချင်းက သူလည်း ရန်ကုန်သွားမှာဖြစ်ကြောင်း
ပြောတာနဲ့ ကားနေရာစီစဉ်ပြီး ၀င်ခေါ်ဖို့ အကူအညီ တောင်းခဲ့ပါတယ်။ စာရေးသူထံ သူငယ်ချင်း
ရောက်တော့ ခဏစောင့်ဖို့ ဆရာမ မှာလိုက်တဲ့အကြောင်း၊ ဆရာမလည်း သူ့အိမ်ကနေ ထွက်လာပြီဖြစ်ကြောင်း
ပြောတာနဲ့ ခေတ္တစောင့်ဆိုင်းခဲ့ပါတယ်။ မကြာခင်ပဲ ဆိုက္ကားတစ်စီးနဲ့ ရေးကြီး သုတ်ပြာ ရောက်လာခဲ့ပါတယ်။
ရောက်ရောက်ချင်းပဲ တပည့်ဖြစ်ခဲ့တဲ့ စာရေးသူကို န၀ကမ္မ ထည့်ထားတဲ့ စာအိတ်တစ်အိတ် ကပ်လှူပါတယ်။
ကားကလည်း ထွက်ဖို့စောင့်နေတာနဲ့ ရှည်ရှည် ဝေးဝေး မပြောဖြစ်ဘဲ နှုတ်ဆက်ရုံပဲ နှုတ်ဆက်နိုင်ခဲ့ပါတယ်။
ရန်ကုန်ရောက်တဲ့အထိ စာအိတ်ကို ဖွင့်မဖောက်ဖြစ်သေးဘဲ
ဝယ်ချမ်းစရာရှိတာတွေ ၀ယ်၊ ပြင်ဆင် စရာရှိတာတွေ ပြင်ဆင်ရင်းနဲ့ မေ့လျော့နေခဲ့ပါတယ်။
ညပိုင်းရောက်မှ စာအိတ်ကို ဖွင့်ကြည့်မိတော့ ၀တ္ထုငွေ တော်တော်များများလှူလိုက်တာကို
သိရှိခဲ့ရပါတယ်။ ပြည်ပထွက်မယ့်အကြောင်း အာစရိယ ပူဇော်ပွဲနေ့မှာ ပြောခဲ့ရင် အခုလို လှူလိုက်မှာတွေးမိလို့
မပြောဘဲ ထွက်လာခဲ့ပေမယ့်၊ သူငယ်ချင်း ပြောပြလိုက်တဲ့ အတွက် သိရှိသွားပြီး လာရောက်လှူဒါန်းသွားတာပါ။
စာရေးသူတို့ ငယ်စဉ်ကလေးဘ၀ကလည်း ကျေးလက်တောရွာလေးကို နေ့စဉ်လာပြီး အပင်ပန်း အဆင်းရဲခံကာ
ပညာသင်ကြားပေးခဲ့၊ အရွယ်ရောက် လာပြီဖြစ်တဲ့ အခု အချိန်တိုင်အောင်လည်း တပည့်ကို တတ်နိုင်သမျှ
ကူညီပေးခဲ့တဲ့ ဆရာမရဲ့ မွန်မြတ်တဲ့ စေတနာ၊ စင်ကြယ်တဲ့စိတ်ထား၊ တပည့်များ အပေါ်မှာ သားသမီးပမာ
စောင့်ရှောက်ခဲ့တာကို တွေ့မြင်သိရှိခဲ့ ရတော့ ရင်ထဲမှာ အတိုင်းမသိအောင် ပြောမပြတတ်အောင်
ခံစားမှုတစ်ခု ဖြစ်ပေါ်စေခဲ့ပါတယ်။ ဆရာ ဆရာမတွေဟာ တပည့်များအပေါ် သား သမီးများပမာ ကျောသား
ရင်သား မခွဲခြားဘဲ တတ်စေချင်တဲ့ စေတနာ၊ မြတ်စေချင်တဲ့ စေတနာတွေ အပြည့် အ၀ထားပါလားဆိုတာ
တပည့်ကိုယ်တိုင် လက်တွေ့ခံစား သိရှိခဲ့ရ၊ နားလည်လာခဲ့ရပါတယ်။ ဒါနဲ့ လိုက်ပါပို့ဆောင်ပေးခဲ့တဲ့
သူငယ်ချင်းထံ ဖုန်းဆက်ပြီး ဆရာမ န၀ကမ္မများလှူလိုက်တဲ့အကြောင်း အားနာတဲ့ကြောင်း၊ အမြဲလည်း
သတိရပါကြောင်း ပြောဖြစ်ခဲ့ပါတယ်။ စိတ်ထဲမှာလည်း ရေကြီးသုတ်ပြာနဲ့ လာတဲ့ပုံကိုလည်း မြင်ယောင်နေခဲ့မိတယ်။
မထင်မှတ်ဘဲ ဆရာ၊ ဆရာမ စုံစုံလင်လင်နဲ့ရော
သူငယ်ချင်းတော်တော်များများနဲ့ပါ တွေ့ကြုံခဲ့ရတဲ့ အတွက် ငယ်ရွယ်စဉ် ကျောင်းသားဘ၀ကို
ပြေးမြင်ယောင်မိခဲ့သလို ၀မ်းမြောက်ဝမ်းသာလည်း ဖြစ်ခဲ့ပါ တယ်။ နောက်တစ်နေ့မှာ တပည့်ဖြစ်ခဲ့တဲ့
စာရေးသူအပေါ် ထားခဲ့တဲ့ စေတနာကိုပါ သိရှိခွင့် နားလည်ခွင့် ရခဲ့ပါတယ်။ သူငယ်ချင်း ပြောပြမှ
ထပ်မံသိခွင့်ရခဲ့တာက ဒီနှစ် ဖေဖော်ဝါရီလမှာ ပင်စင်ယူသွားပြီဆိုတာ ရယ်၊ တပည့်ဖြစ်တဲ့
စာရေးသူကို အိမ်ပင့်ပြီး အလှူအတန်း ပြုလုပ်ချင်တာရယ်တို့ကို ပြောတယ်ဆိုတဲ့ အကြောင်း၊
စာရေးသူ ပြည်ပထွက်မှာမို့ အခုလို ချက်ချင်းစီစဉ်တာဖြစ်မယ့် အကြောင်း စသည်တို့ကို မမေ့
နိုင်ဖွယ်ရာ ပြောပြလို့ သိရှိခဲ့ရပါတယ်။ ဒီအရာအားလုံးဟာ စာရေးသူအတွက်တော့ မထင်မှတ်ဘဲ
အမှတ်ရ စေခဲ့တဲ့ နေ့များစွာထဲက နေ့တစ်နေ့ပါပဲ။
ရွှင်လန်းချမ်းမြေ့ကြပါစေ။
Bjerringbro မြို့ရဲ့အနီး မြင့်မောက်တဲ့ တောင်တန်းနဲ့ တောင်တန်းခြေမှာ
ကြည်လင်အေးချမ်းစွာ စီးဆင်းနေ တဲ့ မြစ်ရေပြင် မော်တော်ဘုတ်များနဲ့ အပန်းဖြေနေကြတဲ့
စည်ကားလှတဲ့ အရပ်ကို ၂၅. ၅. ၂၀၁၅ ရက် ညနေက မြန်မာမိသားစုများနဲ့အတူ ဒေသန္တဗဟုသုတအဖြစ်ရောက်ခဲ့ပါတယ်။
ရာသီဥတုကလည်း သာယာလှတဲ့အတွက် အပန်းဖြေ အနားယူကြတဲ့သူတွေ ကြိတ်ကြိတ်တိုးလို့လည်း နေပါတယ်။
သဘာဝ တောင်တန်းပြင် ပြတိုက်တိုက်တို့ကို နောက်ခံထားလို့ အမှတ်တရ ဓာတ်ပုံရိုက် မှတ်တမ်းတင်သူက
တင်၊ ဆော့ကစား ပြေးလွှားပြီး ပျော်တဲ့သူက ပျော်နဲ့ မမောနိုင်မပန်းနိုင်အောင်ပါဘဲ။
မတွေ့ဆုံကြတာ ကြာပြီဖြစ်တဲ့ မိတ်ဆွေသူငယ်ချင်းများ
တွေ့ဆုံပြီး ပျော်ရွှင်နေကြတဲ့အတွက် တဒင်္ဂအမောတွေကို ပြေလျှော့စေခဲ့ကြမှာပါ၊ လူကြီး လူရွယ်
လူငယ်တွေ အပန်းဖြေ အနားယူဖို့ သွားလာသင့်သလို သဘာဝတောတောင်တို့ရဲ့ လေကောင်းလေသန့်ကို
ရှူရှိုက်ရတဲ့ အတွက်လည်း ကျန်းမာရေးနဲ့ ညီညွတ်တဲ့ အရပ်ဒေသ၊ အမြင်အာရုံများ လန်းဆန်းတက်ကြွမှုကိုလည်း
ပေးနိုင်တဲ့အရပ်ဒေသပါပဲ။ လမ်းပန်းဆက် သွယ်ရေးတွေကောင်းမွန်မှုကလည်း ခရီးသွားအပန်းဖြေသူတို့
အတွက် သက်သာမှုကို ဖြစ်စေပါတယ်။ အလုပ်တာဝန် ကိုယ်စီနဲ့ အလုပ်လုပ်နေကြရသူတွေ အားလပ်ရပ်
စနေ၊ တနင်္ဂနွေနေ့ရက်တွေမှာ သွားရောက်လည်ပတ်လေ့ရှိကြတဲ့ နေရာဒေသတွေထဲက လည်ပတ်စရာ ကောင်း
အနားယူအပန်းဖြေစရာ ကောင်းတဲ့ နေရာဒေသတစ်ခုပါ။
တဒင်္ဂအမောတွေပြေစေဖို့ အတွက် ဒေသန္တရခရီးထွက်ြကသလို
ဘ၀အမောတွေ ပြေစေဖို့အတွက် ဘာဝနာတရားတွေကို ဖက်ရမှာပါလားလို့ အတွေးတစ်ခု ၀င်ခဲ့မိတယ်။
တောင်တက်လမ်းမှာ လမ်းဘေး ၀ဲယာတွေကြည့်ရင်း နားလိုက် သွားလိုက် တစ်ဦးနဲ့ တစ်ဦးပြောလိုက်
ဆိုလိုက် ရယ်မောလိုက်နဲ့ သွားလာ လှုပ်ရှားခဲ့တဲ့ ဒီရုပ်ခန္ဓာဟာ အိုခြင်းမှာပဲ အဆုံးသတ်ရမှာပါလား၊
ကျန်းမာရေးတွေ ဘယ်လောက်ပဲ ကောင်းကောင်း တစ်နေ့မှာ ရောဂါဘယတွေကို ခံစားရပြီး နာခြင်းမှာ
အဆုံးသတ်ရမှာပါလား၊ အတိုင်း အတာတစ်ခုအတွင်း သတ်မှတ်ကာလအတွင်းသာ ပြေးလွှားရှင်သန်နေထိုင်ကြရပြီး
တစ်နေ့နေ့ တစ်ချိန်ချိန် မှာ သူရောကိုယ်ပါ မရဏလက်သွင်း သက်ဆင်းကြမှာပါလား၊ ချစ်ခင်ပေါင်းသင်း
ဆက်ဆံနေကြတဲ့ မိသားစု ဆွေမျိုး မိတ်သင်္ဂဟ၊ စီးပွားဥစ္စာတွေဟာလည်း ကွဲကွာခြင်း ခွဲခွါခြင်းမှာ
နိဂုံးကမ္ပတ် အဆုံးသတ်ရမှာပါလား၊
နုနယ်ရုပ်ဆင်း
လှပခြင်းကား အိုခြင်းနောက်ဆုံးရှိချေ၏၊
ရောဂါကင်းရှင်း
ကျန်းမာခြင်းကား နာခြင်းနောက်ဆုံးရှိချေ၏၊
ဝိညာဉ်တင်းလင်း
သက်ရှင်ခြင်းကား သေခြင်းနောက်ဆုံးရှိချေ၏၊
ချစ်ခင်ပေါင်းသင်း
ဆက်ဆံခြင်းကား ကွေကွင်းနောက်ဆုံးရှိချေ၏၊ စသည်ဖြင့် အဘိဏှသုတ္တန်မှာ မြတ်ဗုဒ္ဓ ထုတ်ပြန်ခဲ့တဲ့
အမြဲဆင်ခြင်ရမယ့် တရားစကားလေးကလည်း သတိပေးနေသလို ခံစားခဲ့ရပြန်ပါတယ်။ တဒင်္ဂအမောတွေပြေအောင်လည်း
သွားလာလှုပ်ရှား အပန်းဖြေနေကြရသလို ဘ၀အမောတွေပြေဖို့ အတွက်လည်း သာသနာလမင်း ထွန်းလင်းခိုက်မှာ
အသိတရားတွေ ရင်ဝယ်ပိုက်ပြီး ဘာဝနာတရားတွေနဲ့ ပျော်မွေ့နိုင်အောင် ကျင့်ကြံကြိုးစားဖို့
အများကြီးလိုအပ်နေပါသေးလားဆိုတဲ့ တောင်ပေါ်တက် ဒဿန တစ်ခု အဲဒီနေ့က မထင်မှတ်ဘဲ တွင်ကျန်ရစ်ခဲ့ပါတယ်။
ရွှင်လန်းချမ်းမြေ့ကြပါစေ။
၂၄. ၀၅. ၂၀၁၅ ရက်၊ စနေနေ့ညနေမှာ ကိုသက်ထွေးအောင်
+ မချောစု၊ ကိုဇော်ဇော်အောင် + မဖြူဖြူ မိသားစု ကိုသားကြီးတို့နဲ့အတူ Bramming မြို့ကနေ
Bjerringbro မြို့ကို ကြွသွားခဲ့ပါတယ်။ (၂း ၀၀) နာရီကြာအောင် ကားနဲ့သွားခဲ့ရပါတယ်။
အဲဒီမြို့မှာနေထိုင်ကြတဲ့ ကိုမြင့်လွင် + မငုဝါမြင့် မိသားစု ပင့်ဖိတ်တဲ့အတွက် ရောက်ရှိခဲ့တာပါ။
၂၅. ၀၅. ၂၀၁၅ ရက်၊ တနင်္ဂနွေနေ့မှာ အရုဏ်ဆွမ်း၊ နေ့ဆွမ်းတို့ကို စုပေါင်းပြီး ကပ်လှူကြပါတယ်။
မြန်မာ မိသားစုများ သိုက်သိုက်ဝန်းဝန်းနဲ့ ကပ်လှူကြတဲ့ စုပေါင်းအလှူ ဒါနပါ၊ ၀မ်းမြောက်ဖွယ်
ကြည်နူးဖွယ် ကောင်းတဲ့ အလှူပါပဲ။ နေ့ဆွမ်းဆက်ကပ် လှူဒါန်းပြီးနောက် သီလဆောက် တည်ပြီး၊
ပရိတ် တရားတော်များကို အတူတကွ နာယူကြပါတယ်၊ လှူဒါန်းမှုအစုစုတို့အတွက် ရေစက် သွန်းချ
အမျှအတန်း မပေးဝေခင် အနုမောဒနာ တရားစကား ဟောပြောခဲ့ပါတယ်။
ဘ၀မှာ တိုးတက်ချင်တယ်၊ ကြီးပွားချင်တယ်၊
ဘ၀သံရာမှာ ချမ်းသာချင်ကြတယ်၊ မဂ်ဖိုလ် နိဗ္ဗာန်ချမ်းသာကိုလည်း မျက်မှောက်ပြုချင်ကြတယ်ဆိုရင်
မည်သူမဆို လိုက်နာကျင့်သုံးရမယ့် အင်္ဂါရပ်တွေ ရှိပါတယ်၊ အဲဒီ အင်္ဂါရပ်တွေထဲက ပထမဆုံးအင်္ဂါရပ်ဟာ
အများသိထားကြပြီးဖြစ်တဲ့ မကောင်းမှု ရှောင်၊
ကောင်းမှုဆောင်၊ ဖြူအောင်စိတ်ကိုထား ဆိုတဲ့စကားပါပဲ၊ ဒီစကားဟာလည်း ဗုဒ္ဓညွှန်ပြခဲ့တဲ့
မြတ်ဓမ္မတွေ ထဲက အဆိုအမိန့် အင်္ဂါရပ်ပါပဲ၊ ဒီအဆိုအမိန့် အင်္ဂါရပ်အတိုင်း မကောင်းမှု ဒုစရိုက်
အမှုတွေကို မပြုလုပ် ဖြစ်အောင်၊ အကယ်၍ မလွှဲသာလို့ ပြုလုပ်ဖြစ်ခဲ့မယ်ဆိုရင်လည်း နောက်နောင်ဒါမျိုး
မပြုလုပ်ဖြစ်အောင် တတ်နိုင်သမျှ ရှောင်ကြဉ်ကြရပါမယ်၊ ကောင်းမြတ်တဲ့ လုပ်ငန်းမှန်သမျှကို
တတ်နိုင်တဲ့ဘက်မှ ပါဝင်ကူညီ ဆောင်ရွက်ကြရမှာဖြစ်သလို အမြဲတမ်းလည်း ပါဝင်ဆောင်ရွက်နိုင်အောင်
ကြိုးစားကြရပါမယ်၊ ဒါ့ကြောင့် လည်း ပညာရှင်များက ကောင်းမှုမြတ်နိုး ကောင်းအောင်ကြိုး၍
ကောင်းကျိုးကိုယ်၌ တည်စေမင်း လို့ မိန့်ဆိုထားခဲ့ကြတာပါ။ နောက်ပြီး ဖြူစင်တဲ့ စိတ်ထား၊ ဖြောင်မှန်တဲ့ စိတ်ထားတွေ
ဖြစ်ပေါ်နေရပါမယ်တဲ့၊ ဖြူစင်မြင့်မြတ်တဲ့ စိတ်ထားတွေ မိမိသန္တာန်မှာ ကိန်းဝပ်နေရမယ်လို့ဆိုလိုတာပါ၊
မကိန်းဝပ်သေးသမျှ ငြိမ်းချမ်းမှုကို ပန်းတိုင်နဲ့ အလှမ်းကွာနေကြမှာပါ၊ သို့အတွက် တစ်နေ့ထက်တစ်နေ့၊
တစ်ရက်ထက်တစ်ရက်၊ တစ်လထက် တစ်လ စသည်ဖြင့် စိတ်နေစိတ်ထားတွေ ဖြူစင်အောင်၊ သန့်ရှင်းအောင်
ကြိုးစားနေကြ ရမှာပါပဲ။
ဒုတိယအင်္ဂါရပ်အနေနဲ့က
ပြောပြုတွေးလျှင် သတိယှဉ် ဆင်ခြင်ဥာဏ်ရှေ့သွား
ဆိုတဲ့ အဆိုအမိန့်ပါ၊ ကံသုံးပါးလုံးနဲ့ သက်ဆိုင်နေပါတယ်၊ ကာယကံမြောက် ပြုမူမယ့်အရာမှန်သမျှ၊
ဝစီကံမြောက် ပြောဆိုမယ့် အရာမှန်သမျှနဲ့ မနောကံမြောက် ကြံစီမယ့်အရာမှန်သမျှတွေမှာ သတိတရားထားပြီး
ပြုမူ ပြောဆို ကြံစီသင့် ပါတယ်။ ဖြစ်ပေါ်လာတဲ့ ပြဿနာမှန်သမျှဟာ ကံသုံးပါးကို မစောင့်စည်းနိုင်လို့
ဖြစ်ပေါ်လာတဲ့အတွက် ကြောင့် သတိတရားဟာ အရာရာတိုင်းမှာ အလိုအပ်ဆုံးသောအရာလည်းဖြစ်ပါတယ်၊
မြတ်စွာဘုရားရှင် ကိုယ်တော်တိုင်လည်း (အပ္ပမာဒေန ဘိက္ခဝေ သမ္ပာဒေထ) မမေ့မလျော့သော သတိတရားနဲ့
ပြည့်စုံကြဖို့ ဆွမ်းခံပြန်လာတိုင်း မိန့်ကြားခဲ့သလို နောက်ဆုံး ပရိနိဗ္ဗာန် ၀င်စံခါနီးဆဲဆဲမှာလည်း
ဘယ်အရာမှ လောကမှာမြဲတယ်ဆိုတာမရှိဘဲ၊ ဖြစ်လာသမျှ ရလာသမျှ အရာအားလုံးဟာ တစ်နည်းနည်းနဲ့ ပျက်စီးကြ မှာပဲ၊ ပျက်စီးခြင်းမှာပဲ
အဆုံးသတ်ကြရမှာဖြစ်လို့ သတိတရားလက်ကိုင်ထားပြီး နေထိုင်ကြဖို့ မိန့်မှာတော်မူ ခဲ့ပါတယ်။
သတိတရားနှင့်အတူ ဥာဏ်ပညာပါ ရှေ့ကကူပြီး ပြုမူမယ်၊ ပြောဆိုမယ်၊ ကြံစီမယ်ဆိုရင်တော့ အမှားနည်း
အမှားကင်းပြီး ပစ္စုပ္ပန်မှာလည်း ကောင်းကျိုးချမ်းသာကို ခံစားရမှာဖြစ်သလို နိဗ္ဗာန်ချမ်းသာကို
လည်း ဧကန်မုချ ရရှိကြမှာဖြစ်ပါတယ်။
တတိယအင်္ဂါရပ်အနေနဲ့
စိတ်ထားဖြောင့်မှန် ခွင့်လွှတ်ရန် သည်းခံမေတ္တာထား
ဆိုတဲ့ အချက်ပါ။ လုပ်ငန်းကိစ္စ တစ်ခုကို ဆောင်ရွက်တဲ့အခါမှာ စိတ်နေစိတ်ထားတွေ ဖြောင့်မှန်ရမယ်၊
တည်မတ်ရမယ်တဲ့၊ ဒါ့အပြင် လူတိုင်းအပေါ်မှာ အတိုင်းအတာ တစ်ခုအထိ ခွင့်လွှတ်နိုင်မှု အနစ်နာခံ
သည်းခံတတ်မှုနဲ့ မေတ္တာ တရားတို့ကိုလည်း ထားရပါမယ်တဲ့။ လူတိုင်းအပေါ်မှာ မထားနိုင်သေးရင်တောင်မှ
မိမိနဲ့ အတူတူ လုပ်ကိုင်ဆောင်ရွက်နေကြတဲ့ သူတွေရဲ့ အပေါ်မှာ၊ မိမိပတ်ဝန်းကျင်အပေါ်မှာ
ထားနိုင်အောင်တော့ ကြိုးစားကြရပါမယ်။ ဒီထက်ပိုပြီး အများရဲ့ အပေါ်မှာ ထားနိုင်ရင်တော့
အကောင်းဆုံးပါပဲ။ (ပုထုဇဉ်တို့ သဘာဝ အရာအားလုံးရဲ့ အပေါ်မှာ မေတ္တာ စသည် ထားနိုင်ဖို့ဆိုတာ
လွယ်ကူတဲ့အရာမှ မဟုတ်ဘဲလို့ ဆင်ခြင်မိတဲ့အတွက် တတ်နိုင်သမျှ မေတ္တာ ထားနိုင်ဖို့ကိုတော့
ကြိုးစားနေကြရအုံးမှာပါ။)
စတုတ္ထ
အင်္ဂါရပ်ကတော့ လုံလနှင့်ဇွဲ မလျှော့ဘဲ အမြဲတင်းတင်းထား တဲ့ ဒီစကားဟာ တိုးတက်ချင်
တဲ့သူ၊ ကြီးပွားချမ်းသာချင်တဲ့ သူတွေအတွက် အကောင်းဘက်ကို ရည်ရွယ်ပြီး သူတော်ကောင်းတွေရဲ့
မြှင့်တင်ပေးတဲ့ စကား၊ အားဖြစ်စေတဲ့ စကားပါ။ (မကောင်းတဲ့ဘက်မှာ လုံ့လ၀ီရိယနဲ့ ဇွဲသတ္တိ
ရှိဖို့ရန် ညွှန်ပြသည့် တိုက်တွန်းသည့် စကားမျိုးကိုတော့ သူတော်ကောင်းတွေဟာ အမြဲတမ်းရှောင်ကြဉ်လေ့ရှိပါ
တယ်။) စီးပွားဥစ္စာ ရှာဖွေရာမှာပဲဖြစ်စေ၊ ပညာ သင်ယူလေ့လာနေတဲ့ အခါမှာပဲဖြစ်စေ၊ တရားဓမ္မကို
ကြိုးစားအားထုတ်နေတဲ့ အခါမှာပဲ ဖြစ်စေ၊ ကောင်းမြတ်တဲ့ လုပ်ငန်းမှန်သမျှ လုပ်ကိုင်ဆောင်ရွက်တဲ့အခါမှာ
လုံ့လ၀ီရိယ နဲ့ ဇွဲသတ္တိတို့ မလျှော့ဘဲ ကြိုးစားကြဖို့ လိုအပ်ပါတယ်။ ဒါကိုပဲ မြန်မာ့ဆိုရိုးစကားမှာ
ငုပ်မိသဲတိုင် တက်နိုင်ဖျားရောက် လို့ တင်စားသုံးနှုန်းထားခဲ့ခြင်းဖြစ်ပါတယ်။ လုံ့လ၀ီရိယ
ဇွဲသတ္တိတို့နဲ့အတူ သတိ ဥာဏ်ပညာတွေပါ ဖြည့်ဆည်း ကူညီပြီး ကြိုးစားကြမယ်ဆိုရင် အတိုင်းထက်အလွန်
တံခွန်နဲ့ ကုက္ကား ဆိုသလို ရည်မှန်း ချက်ပန်းတိုင်ကို လှမ်းကိုင်နိုင်ကြမှာပါ မလွဲဧကန်ပါပဲ။
နောက်ဆုံး
ပဉ္စမ အင်္ဂါရပ်ကတော့ အရာရာတွင် အသုံးဝင် အောင်မြင်ကြောင်းတရား
တဲ့ ဆိုခဲ့ပြီးတဲ့ အင်္ဂါရပ်တွေနဲ့ ပြည့်စုံကြမယ်၊ ကြိုးစားကျင့်ကြံကြမယ်ဆိုရင် အရာရာအာလုံးဟာ
ဆုတ်ယုတ်မှု မဖြစ်စေဘဲ တိုးတက်ကြီးပွားဖို့ အောင်မြင်နိုင်ဖို့ကိုပဲ ဖြစ်စေမှာပါဆိုတာကို
လက်ခံယုံကြည်ပြီး ကြိုးစားကျင့်ကြံ လိုက်နာ နိုင်ကြတဲ့ သူတော်ကောင်းများ ဖြစ်နိုင်ကြပါစေ။
(ကားဖြင့်လိုက်ပါပို့ဆောင်ပေးကြတဲ့
မိသားစုများနဲ့ အလှူရှင်မိသားစုများ အားလုံးကို ကျေးဇူးအထူးတင်လျက်ပါ။)
ရွှင်လန်းချမ်းမြေ့ကြပါစေ။
